Serbski experiMINT campus My wo sebi

Naš zaměr je, dźěćom wjeselo nad wědomosću, technologiju a kreatiwnym tworjenjom zbližić. Ale nic prosće tak, ale w jich maćeršćinje, serbšćinje. Wšako smy kruće wo tym přeswědčeni, zo so přiswojenje wědy a rozwiwanje talentow w swójskej rěči najlěpje poradźi.

Naš campus skića šěroki spektrum napjatych zarjadowanjow, interaktiwnych dźěłarničkow a powučacych AGs, kotrež so wot kompetentnych předewzaćow, wučerjow a poskićerjow kursow wuhotuja. Tu maja dźěći móžnosć, swoju wćipnotu zbudźić, swójske talenty wotkryć a so hrajkajo z MINT-temami kaž tež digitalizaciju rozestajeć.

Wěrimy do toho, zo přichod wot młodych hłowow wotwisuje, kotrež dźensa wuknu a wotkrywaja. Tohodla chcemy wšitke dźěći k tomu pozbudźować, z nami na wotkrywansku jězbu hić. Wšojedne, hač sy hižo přeco wot roboterow fascinowany był, wo tym soniš, swójsku app wuwiwać, fenomeny přirody wuslědźić abo rjemjeslnisku wušiknosć docpěć – Serbski eksperiMINT campus Radwor je idealne městno, zo by wšo to dožiwił.

Čiń sobu a wuhotuj přichod – přetož wón leži w twojimaj rukomaj!