SERBSKI EXPERIMINT CAMPUS Witaj na campusu
Zanur so do fascinowaceho swěta wědomosće a technologije – a to wšo w twojej maćeršćinje, serbšćinje! Serbski eksperiMINT campus Radwor je městno, hdźež móža sej dźěći předmjety MINT wotkrywać: matematika, informatika, přirodowěda a technika. To pak njeje dawno hišće wšitko! Wozmjemy će tež sobu na napjatu jězbu do swěta digitalizacije a pokazamy ći, kak wažne a kreatiwne rjemjesło je.
Naš campus je městnosć, na kotrejž wćipnosć a wědylačnosć rozkćějetej. Smy sej wěsći, zo njeje zaběra z MINT-předmjetami jenož zajimawa, ale zdobom najefektiwniša w twojej maćeršćinje. Tohodla poskićamy šěroki spektrum zarjadowanjow, dźěłarničkow a dźěłowych kružkow – wšitko serbsce!
Přichod słuša tym, kotřiž su wćipni a zmužiće po nowych pućach kroča. Tohodla chcemy će pozbudźować, z nami zhromadnje přichod wuhotować. Přizjew so za naše zarjadowanja a daj nam zhromadźenstwo tworić, w kotrymž dźěłatej přiswojenje wědy a wjeselo ruku w ruce.
Serbski eksperiMINT campus Radwor – Wotkryj z nami jónkrótny swět!
Wuhotuj z nami přichod a budź dźěl prěnjeho serbskeho eksperiMINT campusa Radwor! Wjeselimy so tebje w našim campusu witać směć – městnosći, na kotrejž stanje so wuknjenje z dyrdomdejom a serbska rěč dale žiwa. Sy zwólniwy? Potom pój a dožiw magiju MINTa a serbšćiny – zhromadnje zdokonjamy wulkotne!
Aktualne nowostki a aktualnosće
Pytamy zesylnjenje, chceće so wobźělić?
Serbski eksperiMINT campus Radwor je tež městno zwjazanosće, inspiracije a rozrosta. Jako nawoda kursa na našim campusu stanjeće so wy dźěl angažowaneho zhromadźenstwa jenak myslacych, kotřiž maja wšitcy samsny zaměr: Přichodnu generaciju zahorić a ju na wuspěšny přichod přihotować.
Chceće so wobźělić?
Chcemy was wutrobnje přeprosyć, so stać z dźělom našeho inspirěrowaceho kubłanskeho zhromadźenstwa na serbskim eksperiMINT campusu Radwor. Waša ekspertiza, waša rozpalitosć a waše kreatiwne ideje su kluč, zo bychmy dźěći a młodostnych za fascinowacy swět MINT-předmjetow a rjemjesła zahorili.
Projekt
Naš campus je městno wšelakorosće, kreatiwity a wotkrywanja. Tu maja dźěći a młodostni jónkrótnu móžnosć, so do fascinowaceho swěta MINT-temow zanurić a runočasnje rjanosć a wuznam serbskeje rěče dožiwić.